I Ulobas BPA er det ikkje diagnosen din, men assistansebehovet ditt som avgjer om du treng assistanse. Assistansebehovet gjev seg til kjenne når du treng praktisk eller annan bistand for å leve livet ditt på line med andre i samfunnet.

Dersom du har eit assistansebehov kan du få Borgarstyrt personleg assistanse (også kalla brukarstyrt personleg assistanse), BPA.

• Først må du søke om å få BPA hjå kommunen din. Dersom du treng hjelp kan du kontakte medlemsteamet vårt. Vi står klar til å hjelpe deg med søknaden, og det du elles måtte lure på.
• Når du har fått eit vedtak, kan du velje Uloba som tilretteleggjar for assistansen din. Det kan du gjere dersom Uloba har avtale med kommunen din. Då skal vi hjelpe deg på vegen til å styre livet ditt.

Her kan du sjå kva kommunar som har avtale med Uloba(lenke). Kommunane som ikkje er med i dette oversynet, pliktar å tilby BPA sjølv om dei ikkje har avtale med Uloba. Alle kommunar har ei slik plikt.

Kva kan eg be om assistanse til?

Assistansebehovet avgjer kor mange timar du treng:

• Det kan hende du treng assistanse til å stå opp, stelle deg og lage mat.
• Men det kan òg vere du ønskjer assistanse til fritidsaktivitet, utdanning eller arbeid.

Her(lenke) kan du lese meir om kva BPA og arbeidsleiing er.

BPA er ein lovfesta rett, altså står det i lovverket i Noreg at dei som treng BPA har rett till det. Her(lenke) finn du lovtekstene der det står om BPA.

Korleis få andre menneske til å gjere oppgåvene som trengst i kvardagen din, slik du sjølv ville gjort dei? Her er nokre råd.

Det er du som skal bestemme kven som skal assistere deg og kva du treng assistanse til når du får borgarstyrt personleg assistanse (òg kalla brukarstyrt personleg assistanse), BPA.

Difor har du òg ansvar for å finne, tilsette og lære opp assistentane du treng. Du skal sjølv leie assistanseordninga (BPA-ordninga) di, og dermed livet ditt.

Men du har sjølvsagt Uloba i ryggen:

• Du får ein rådgjevar som sjølv er funksjonshemma og har assistanse. Hen kan rettleie deg og følgje deg opp når du treng det.
• Du får delta på obligatoriske kurs i arbeidsleiing. Uloba arrangerer kursa.
• Du får arbeidsgjevaroppgåver av Uloba. Det får du fordi du gjennom å vere arbeidsgjevar for assistentane dine, kan styre livet ditt.
• I starten kan du få hjelp til å søke om BPA og vurdere kva timebehov du har, dersom du treng det.

Dersom du ikkje kan vere arbeidsleiar sjølv, kan du likevel få BPA:

• Nokon som kjenner deg godt, kan hjelpe deg å leie ordninga.
• Hen blir då fungerande arbeidsleiar, og vil ha dei same arbeidsoppgåvene som ein arbeidsleiar.
• Skilnaden er at det er de, du som er funksjonshemma med assistansebehov og den fungerande arbeidsleiaren, som skal finne ut korleis de leiar kvardagen din saman, så lenge det er mogleg. Dine interesser skal alltid kome først.

Har du spørsmål om å vere arbeidsleiar? Kontakt oss gjerne!

Alle born har rett til eit sjølvstendig og fritt liv saman med familien sin. Her får du vite kvifor BPA også er aktuelt for born.

Også born kan få borgarstyrt personleg assistanse, BPA, (også kalla brukarstyrt personleg assistanse).

Sjølv om dei aller fleste born gjerne er avhengige av foreldra sine den første delen av livet, er det nokre ting du vil klare sjølv:

• Vere med bestevennen heim.
• Rydde romet sjølv og hjelpe til med middagen.
• Gå på fotballtrening eller kulturskule.
• Gå i bursdag utan mamma eller pappa, slik som andre born.

Under kan du sjå filmen om 9 år gamle Tobias Fagerås. Han har BPA. Du kan òg laste ned teksten til filmen.

Les òg om Julian som har BPA.

Med borgarstyrt personleg assistanse kan borna få kvardagen dei treng for til slutt å verte sjølvstendige, trygge vaksne på lik linje med andre.
BPA kan nemleg følge barnet der barnet ditt er, når hen er barn, når hen blir ungdom, og til slutt vaksen.