Hjelp oss å gje deg fridomen du har krav på!
Tilstandskartlegginga for 2023 er ute no. Og Uloba vil vite korleis du har det.
Tilstandskartlegginga 2023 er klar – vi vil høyre di stemme
Korleis er det eigentleg å leve med BPA i Noreg i dag? Kva utfordringar møter du i kvardagen? Og kva må politikarane gjere for å sikre funksjonshemma meir fridom og likestilling?
For å finne svara treng vi di hjelp.
Kvart år sender Uloba ut Tilstandskartlegginga, ei viktig spørjeundersøking til medlemmar og arbeidsleiarar. Dersom du er medlem eller arbeidsleiar i Uloba, vil du snart finne undersøkinga i innboksen din.
Kvifor er undersøkinga viktig?
Tilstandskartlegginga gir oss kunnskap om korleis BPA fungerer i praksis. Svara dine blir brukte direkte i Uloba sitt politiske påverknadsarbeid for å styrkje retten til BPA og likestilling.
Når vi møter politikarar, media og fagmiljø, er det erfaringane dykkar vi løftar fram. Difor er kvar einaste stemme viktig.
Dette kan du vinne
Alle som svarar på undersøkinga, blir med i trekkinga av:
- Eit universalgåvekort på 4 000 kroner
- Fotoboka Folk av fotograf Morten Krogvold
Kven bør svare?
Vi oppmodar alle som får undersøkinga om å setje av nokre minutt til å svare.
Dette gjeld deg som:
- er arbeidsleiar i Uloba
- er medlem i Uloba utan BPA-vedtak
- er medlem i Uloba og har BPA hos ein annan leverandør
Er du medarbeidsleiar, håpar vi du kan hjelpe den du samarbeider med til å fylle ut undersøkinga.
Alle svar blir anonymiserte
Personvernet ditt er viktig. Alle opplysningar vi får inn, blir anonymiserte før dei blir brukte i rapporten.
Svara dine gjer ein forskjell
Resultata frå undersøkinga blir samla i rapporten Tilstandskartlegginga, som kvart år blir presentert for politikarar, fagmiljø og media. Rapporten gir eit unikt innblikk i korleis BPA-ordninga fungerer og kva utfordringar funksjonshemma møter i samfunnet.
Tidlegare kartleggingar har avdekt at mange ikkje tør å flytte til ein annan kommune av frykt for å miste BPA eller få færre timar. Andre opplever at BPA-mangel hindrar dei i å ta utdanning eller delta i arbeidslivet.
Dette spør vi om
Undersøkinga handlar mellom anna om:
- bustadsituasjonen din
- BPA-vedtaket ditt
- korleis BPA påverkar kvardagen din
- moglegheitene dine til å studere, arbeide og delta i samfunnet
- opplevd fridom og sjølvbestemming
Di erfaring styrkjer kampen for BPA
BPA handlar om meir enn praktisk assistanse. BPA handlar om fridom, deltaking og retten til å leve livet på eigne premissar.
Difor håpar vi du tek deg tid til å svare når undersøkinga kjem. Dine erfaringar kan bidra til betre BPA-politikk og sterkare rettar for funksjonshemma i heile landet.
